تلمذة مع المسيح
بحـث
 
 

نتائج البحث
 


Rechercher بحث متقدم

المواضيع الأخيرة
» قداس ابونا بيشوي علي قناة c t v
الأربعاء نوفمبر 07, 2012 11:55 pm من طرف naderegyptair

» ترنيمة يا يسوع تعبان
الخميس مارس 15, 2012 8:56 am من طرف زهرة المسيح

» هااااااااااااااااااام جدااااااااااااااااااااااااااااا
الجمعة مارس 09, 2012 7:17 pm من طرف البابا كيرلس

» جسد القديس العظيم ماسربل
الجمعة مارس 09, 2012 7:12 pm من طرف البابا كيرلس

» يسوع باعت رساله لاولاده النهارده
الجمعة مارس 09, 2012 6:59 pm من طرف البابا كيرلس

» ارجو الصلاه من اجل البابا
الجمعة مارس 09, 2012 6:50 pm من طرف البابا كيرلس

» لماذا اختار المسيح ان يموت مصلوبا
الجمعة مارس 09, 2012 6:41 pm من طرف البابا كيرلس

» هل يوجد حلال وحرام فى المسيحية
الأربعاء مارس 07, 2012 8:06 pm من طرف البابا كيرلس

» عارفة يعني إيه إحنا أصحاب ؟
السبت فبراير 25, 2012 8:51 pm من طرف Admin


سلامة كداب ولا مش كداب؟؟؟

استعرض الموضوع السابق استعرض الموضوع التالي اذهب الى الأسفل

سلامة كداب ولا مش كداب؟؟؟

مُساهمة من طرف Jesus daughter في الأحد مايو 08, 2011 10:34 pm

سلامة مش كداب؟؟؟؟؟؟؟؟

ايه رايكم فى انسان صانع السلام
الكتاب بيقول
طوبى لصانعى السلام لانهم يدعون ابناء الله

طيب لو حد فينا كان عكس كده؟؟؟؟؟؟؟؟؟؟؟؟؟؟؟؟؟؟
بيتكلم بالنميمة على احبائه

قصة قلها احد الاباء الرهبان

ركز
جدا
اتعلم حكمة


قصة

كان فى اب راهب فى البرية شيخ كبير اسمه ابونا يعقوب

وكان لى تلميذه اسمه بولا
بولا ده كان جاد جدا مع ربنا وعايش بجديه وامانة

المهم
طلب انه يعش متوحد فى الجبل
بالفعل سمحله ابوه يعقوب


من قداسة ابونا بولا الصغير اصبح بخرج شياطين


والناس سمعوا
وقداسته وسيرته بقت مشهورة............ ......
و الناس بقت زحمة جدا ومن كل حتة وكل بلد ومحافظة
والمتوحد اصبح مش متوحد
ابوه ابونا يعقوب
اضايق جدااا

راح نداه على الاخ سلامة
الراهب الشيخ الكبير ابونا يعقوب: سلامة روح قول لابونا بولا بلاش الزحمة ديه فى البرية وقله انا مضايق من كده

الاخ سلامة راح لابونا بولا وبعد تعب راح قبله وقاله: سلام يا بونا بولا ابونا الكبير بيسلم عليك كتير اوى


تانى يوم الناس بردوا كتير
وابونا الكبير مضايق من الزحمة اللى فى البرية
راح ندا سلامة: روح قول لبولا
كده غلط ولازم يسمع الكلام احسن

راح سلامة لابونا بولا
وقاله: ابونا الكبير بيسلم عليك وبيقولك انت وحشه كتير ونفسه يشوفك
ابونا بولا : وانا كمان بس قوله صلواتك لبولا المسكين


تالت يوم الزحمة اكتر
وناس كتير
والبرية زى المدينة من الزحمة
ابونا الكبير: سلامة روح قله يمشى من هنا احسن بدل ما امشى انا


راح سلامة قابل ابونا بولا
سلامة: ازيك يا بونا
ابونا الكبير بيسلم عليك كتير جداا مش قادر يجيلك
بيقولك نفسه يجيلك
ابونا بولا: عارف كويس انى مقصر فى حقه كتير انا هحاول اروح
فى اقرب فرصة


ابونا الكبير سلامة قلتله

سلامة : ايوة قلتله يا بونا


رابع يوم الزحمة اكتر واكتر

ابونا الكبر: سلامة مش ممكن كده روح قله لازم يمشى دلوقتى حالا
روح قله بدل ما اطرده قدام الناس


راح سلامة
لابونا بولا: يا ابونا بولا
ازيك وسيرتك العطرة وصلة لابونا وهو دايما بيدعيلك كتير جداا
وكان نفسه يجيلك
وياخد بركتك
بولا: بركة منى انا
انا مستهلش


ابونا الكبير قاعد مضايق ايه الموضوع وابونا بولا مش بيسمع الكلام

اخر يوم ابونا الكبير : سلامة بولا ده عاصى ومش بيسمع الكلام وما ينفعش يكون فى البرية
لازم انا بنفسى اروح اطرد


سلامة طار على ابونا بولا
وقاله: الحق يا ابونا
ابونا يعقوب جى بنفسه دلوقتى علشان يسلم عليك وهو عيان ورغم كده هو جى علشان يسلم عليك وياخد بركتك

ابونا بولا : يا خطيتك يا بولا ابونا الكبير جى لحد عندك انت ما تستهلش يا بولا


وراح ابونا بولا طار
يقابل ابوه


وتقابل الاتنين


موقف صعب
اول ما شاف ابونا بولا ابوه الكبير
جى اترمى قدامه على الارض
وقاله: سمحنى يا بونا انا ماستهلش انى اكون ابنك
انت جى بنفسك لحد عندى يا خطيتك يا بولا وبكى قدامه


حن قلب ابونا الكبير على بولا ابنه


ابونا الكبير افتكر ان ابونا بولا جى علشان يعتزر
على عدم طاعته علشان كده بكى قدامه


وابونا بولا افتكر ان ابونا الكبير جى بنفسه لحد عنده علشان يطمن عليه
+++++++++++
كدة سلامة كداب ولا مش كداب
avatar
Jesus daughter
مشـرفــــه
مشـرفــــه

عدد المساهمات : 867
تاريخ التسجيل : 05/03/2011
العمر : 23

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى