تلمذة مع المسيح
بحـث
 
 

نتائج البحث
 


Rechercher بحث متقدم

المواضيع الأخيرة
» قداس ابونا بيشوي علي قناة c t v
الأربعاء نوفمبر 07, 2012 11:55 pm من طرف naderegyptair

» ترنيمة يا يسوع تعبان
الخميس مارس 15, 2012 8:56 am من طرف زهرة المسيح

» هااااااااااااااااااام جدااااااااااااااااااااااااااااا
الجمعة مارس 09, 2012 7:17 pm من طرف البابا كيرلس

» جسد القديس العظيم ماسربل
الجمعة مارس 09, 2012 7:12 pm من طرف البابا كيرلس

» يسوع باعت رساله لاولاده النهارده
الجمعة مارس 09, 2012 6:59 pm من طرف البابا كيرلس

» ارجو الصلاه من اجل البابا
الجمعة مارس 09, 2012 6:50 pm من طرف البابا كيرلس

» لماذا اختار المسيح ان يموت مصلوبا
الجمعة مارس 09, 2012 6:41 pm من طرف البابا كيرلس

» هل يوجد حلال وحرام فى المسيحية
الأربعاء مارس 07, 2012 8:06 pm من طرف البابا كيرلس

» عارفة يعني إيه إحنا أصحاب ؟
السبت فبراير 25, 2012 8:51 pm من طرف Admin


ياترى00 ايه شعورك؟؟

استعرض الموضوع السابق استعرض الموضوع التالي اذهب الى الأسفل

ياترى00 ايه شعورك؟؟

مُساهمة من طرف Jesus daughter في الأحد مايو 08, 2011 11:06 am

اذا كان لك صديق لايزورك الا عندما يحتاج منك اشياء اوطلبات هـــل
Œتقطع علاقتك به
تعطيه احتياجه و لكن لا تعمق علاقتك به
Žتعاتبه في هذا الأمر
 يظل قلبك مرتبطا بحبه مهما طالت فترة تصرفاته g



للأسف كثير مننا بيكون زي الصديق ده
مش بيصلي الا علشان يطلب حاجة من ربنا .....
رغم ان ربنا بيقولنا (فلا تهتموا قائلين ماذا ناكل او ماذا نشرب او ماذا نلبس. فان هذه كلها تطلبها الامم لان اباكم السماوي يعلم انكم تحتاجون الى هذه كلها. لكن اطلبوا اولا ملكوت الله و بره و هذه كلها تزاد لكم.)
ناس تقول طيب ازاي مانطلبش مش ربنا هو اللي قال ...

(اطلبوا تجدوا ...اقرعوا يفتح لكم ) & (ادعني وقت الضيق أنقذك فتمجدني )
أكيـــد ربنا أمين في كلامه لما قال ..
بس مش تكون الأساسي هي طلباتنا المادية او لما نحتاج بس ..
لكن غير كده مانعرفش ربنا ؟!!!!!
نشوف داود بيقول ايه في مزموره ( لك قال قلبي قلت اطلبوا وجهي وجهك يا رب اطلب.)
يمكن هو ده اللي ساعات بيسبب لنا كمان الفتور اننا مش بنصلي و نكون حارين الا لما يكون فيه حاجة عايزينها

علشان كده هنقدم لكم شوية عناصر لازم تكون موجودة في كل صلاة
Œالتسبيــح
نمدح فيه ربنا و نمجده علي صفاته الجميلة و معاملاته معانا ..ده من حب القديسين للتسبيح و انهم يتأملوا في جمال ربنا و الحاجات الجميلة اللي عاملها و خالقها لينا ..اتعملت تسبحة نصف الليل ..اربع هوسات من التسبيح لربنا
و كمان كتير من جمل الأجبية بتساعدك في كده ...زي ( بعض المزامير –قدوس الله – الفقرات الأولي من ارحمنا يا الله ثم ارحمنا ) و كمان ( القداس – التسبحــة)


الشكـــــــــر
كثيرا جدا بننسي أننا نشكر الله علي ما أعطانا – و بعدين نطلب منه المزيد؟!!!! ..تقعد شوية و لو 5 دقايق قبل الصة تفتكر عطايا ربنا الجميلة ليك و اشكره عليها من قلبك....

ممكن قبل ما تصلي تبص ليومك من أوله و تشكره علي كل شئ فيه
انك رحت شغلك أو كليتك بدري – انك وصلت بالسلامة لمكان عملك او دراستك – ان مفيش مشاكل حصلت .أو لو حصلت ان ربنا ادالك الحكمة انك تحلها - ....الخ )
و فيه حاجات من كتر ما اتعودنا عليها افتكرنا انها حق واجب علي ربنا ...مع انها نعمة كتير منا مش عندهم الحاجات دي
ربنا اللي خالق لك عين ..و غيرك يمكن مش عنده النعمة دي
انه ادالك يوم جديد و نسمة حياة جديدة ..و غيرك ربنا ما اعطالوش الفرصة دي و اخد روحه
علي كل شئ حواليك علي ماما و بابا اللي غيرك اتحرم من حنانهم
علي اصحابك و محبتهم ليك ....علي عملك أو دراستك اللي ربنا ادهالك ....
ان ربنا لسه ساتر عليك بمحبته ..حاجات كتير لو انكشفت يمكن الناس كلها تبعد عنك ...

فيه حاجات كتير قوي مهما عددت عمرك ما هتقدر تخلص شكــر
الكنيسة بتعلمنا كده كمان ..مع بداية أي صلاة لازم بنقول صلاة الشكر ..و صلوات تحاليل الساعات كلها بتبدأ بالشكر .....

Žالطلبــــــات
كل اللي انت محتاجة من ربنا كلمه فيه بصراحة و اطلب منه أنه يسندك ..
كلمه زي صاحبك ..حضن عمرك ما هتلاقي زيه ..صديق عمره ما هيذلك علي اللي فات أو يضايقك بيه بالعكس بيقولك ( كل خطاياك و آثامك اطرحها في البحر لا أعود أذكرها ) ..عمره ما هيزهق منك مهما طولت معاه في الكلام ..ده بيشتاق للحظة اللي يسمعك فيها ..اطلب منه أنه يوضحلك كل شئ محتار منه .. يديك صبر و تعزية ....يخفف آلامك ..يديك سلام في التجربة
لكن قبل ده كله أذكر طلبات روحية (فضائل )..تتنمي تكون فيك ..أو أي نقص هو قادر يعوضــه

الصلاة لأجـــل الآخرين
اياك أن تكون أنانيا في صلاتك لكن دايما افتكر أنك مسئول عن كثيرين ...
ترجم حبك للنـاس بالصـــلاة ...

(صلوا بعضكم لأجل بعض) ( يع 5 : 16)
صلي من أجل سلامة الكنيسة – الأب البطريرك – كنيسيتك و كهنتك و أب اعترافك و خدامك – اسرتك – أصدقائك االذين تتعامل معهم – الذين أساءوا اليك – غير المؤمنين – المرضي – الحزاني – الخطاة –المساكين – العالم أجمع
فيه قول رائع جدا لأحد الآباء..بيـقـول ....


( ان أردت أن تساعد احــدا و لا تقدر ....صلي من أجلــــه )
و قول تاني كمان رائع جدا.


(عندما ترين شيئا يستحق اللوم في الكهنة فبدلا من انتقادهم ...توقفي لتسألي نفسك هل أنا صليت لأجلهم...)
هل كل حد بندينه او بنكوون متضايقين من تصرف صدر منه بنصلي لأجله ؟
شفاعة القديسين
لا تنسي أن تطلب شفاعة ام النور و الطهــر مريم العذراء ..و قديسي الكنيسة و قديس اليوم و كل القديسين الذين نحبهم و نشعر أنهم يساعدونا في جهادنا و يصلوا عنا ..
لأن في هذه علامه اتضاع منك
ياريت كل يوم و انت بتصلي الصبح قول:" يارب استأذنك اخد النهاردة مثلا مارجرجس او مارمينا ..أو أي قديس ..كل يوم عندك الاف القديسين .اختر زي ما تحب ..و القديس ده يكون شفيعك طول اليوم ..او ما تتزنق قول يارب بشفاعة مارجرجس سهل الموضوع ده ...أو ..أو ..خلي ليك صداقة باهل السمــــا ..
دي مفيش اجمل منها صداقــــة
avatar
Jesus daughter
مشـرفــــه
مشـرفــــه

عدد المساهمات : 867
تاريخ التسجيل : 05/03/2011
العمر : 23

الرجوع الى أعلى الصفحة اذهب الى الأسفل

رد: ياترى00 ايه شعورك؟؟

مُساهمة من طرف shenouda في الأحد مايو 08, 2011 3:38 pm

اكيد طبعا
احلى صداقة مع ربنا والملائكة والقديسين
وشكرا على القول الرائع

(عندما ترين شيئا يستحق اللوم في الكهنة فبدلا من انتقادهم ...توقفي لتسألي نفسك هل أنا صليت لأجلهم...)


ربنا يعوضك
avatar
shenouda
المشــــــرف العام
المشــــــرف العام

عدد المساهمات : 901
تاريخ التسجيل : 02/03/2011
العمر : 33

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى