جراح وعويل!!!!!!

جراح وعويل
جراح وعويل دا دم اولادك ياربي عمال بيسيل
عاد زمن الاضطهاد يا يسوع وكل يوم يموت لنا الف قتيل
برصاص الجيش وسلفي واخونجي يشد للقنبلة فتيل
انا عارف ان القتل علي اسمك ياربي يكون للسما اكبر سبيل
...
بس دا خوف والم ورعب وعذاب مالي الكيان
ارحمني ياربي لانك عارف ان هو دا حال الانسان
انقذني ياربي من بحر الالم والعذاب اللي انا فية غرقان
كل ما تفوق يا سلفي تضرب فيا وتقول عليا كافر جبان

سلفي واخونجي فالقتل يكون اكبر موهوب
متفنن فسفك الدم وتقطيع الحثث قبل القلوب
دا انا شايف ابويا واخويا مجروح يارب اغفرلي الذنوب
ارحمني يارب انا هنا مش عارف اعمل اية دانا علي حالي مغلوب

بس للاسف ياربي امل اللي بيقتل فيا هيخيب
لاني مش بموت ومش هطفي في قلبه نار اللهيب
لانه لما يقتل فيا ويفتكرني عن الدنيا هغيب
ميعرفش انة عبيييييط وانا اخرتي فالسما اتوجد مع اعظم طبيب

من الجراح والالام والعذاب انا بقيت مسجون
في بحر الخوف اسندني ياربي انا ليك يابويا مديون
ثقتي فيك ياربي ارحم اخويا اللي ليك بيطلب بجنون
تدوي صوت عويل عيالة اللي من الرعب قلبهم مطحون

مطحون غرقان بدم شهداء المقطم والنهاردة امبابة لحد امتي هنفضل ياربي في كل دا العذاب
اديك شايف اخونجي وسلفي بيسفك دم اولادك بالنار والقنابل بعد ما ولى النهار وغاب
ارجوك ياربي شيل عن اولادك كل دي الهموم الاتعاب
بأيدك وحدك يا ابويا ارحم امي واخويا وسد للجحيم ابواب

ابواب كنيستك مبنية علي الدم والاضطهاد وشيل الاحمال
ارحم قلب اب يا ابويا دا كون انك تسيبة كدا دا شئ محال
الجيش جعل للتطرف والارهاب والطائفة مجال
ارحمني ياربي وشيل عن كتف اولادك حمل الجبال

جبال الاضطهاد زادت وتقلت ومن قلوب اولادك اصبح الامان منزوع
امنع يارب بحر الدم واسندنا انت وحدك يا يسوع
غرقت البيوت من الدم والالم والجراح في بحر دموع
امهات واطفال قلبهم من الوجع والحزن اصبح ياربي موجوع

دمك ياربي عشاني اسفك زمان وسال
ودلوقتي مع شهداء اسكندرية والمقطم وجرحا امبابة دمهم معاك ياربي اتشال
ونزل ياربي علي صليب كلمة مسيحي اللي الكفر اصبح عليها يتقال
هل كل زنبي اني مسيحي واخترت ديني الحقيقي دا دين الكمال