تلمذة مع المسيح
بحـث
 
 

نتائج البحث
 


Rechercher بحث متقدم

المواضيع الأخيرة
» قداس ابونا بيشوي علي قناة c t v
الأربعاء نوفمبر 07, 2012 11:55 pm من طرف naderegyptair

» ترنيمة يا يسوع تعبان
الخميس مارس 15, 2012 8:56 am من طرف زهرة المسيح

» هااااااااااااااااااام جدااااااااااااااااااااااااااااا
الجمعة مارس 09, 2012 7:17 pm من طرف البابا كيرلس

» جسد القديس العظيم ماسربل
الجمعة مارس 09, 2012 7:12 pm من طرف البابا كيرلس

» يسوع باعت رساله لاولاده النهارده
الجمعة مارس 09, 2012 6:59 pm من طرف البابا كيرلس

» ارجو الصلاه من اجل البابا
الجمعة مارس 09, 2012 6:50 pm من طرف البابا كيرلس

» لماذا اختار المسيح ان يموت مصلوبا
الجمعة مارس 09, 2012 6:41 pm من طرف البابا كيرلس

» هل يوجد حلال وحرام فى المسيحية
الأربعاء مارس 07, 2012 8:06 pm من طرف البابا كيرلس

» عارفة يعني إيه إحنا أصحاب ؟
السبت فبراير 25, 2012 8:51 pm من طرف Admin


انا عمرى ماكنت جبان

استعرض الموضوع السابق استعرض الموضوع التالي اذهب الى الأسفل

انا عمرى ماكنت جبان

مُساهمة من طرف shenouda في الخميس مايو 05, 2011 9:08 pm

أنا قبطي عمري ما كنت جبان
لا باخاف من سلفي ولا اخوان
ولاخايف من ناس خايبه قالوا هنخطف النسوان
اللى مش لابسه نقاب ومخبيه عنيها كمان
ولا خايف من ناس
اقاموا الحد وقطعوا لواحد قبطى ودان
ولا خايف من ناس الحقد مالى قلوبهم وبيحركهم الشيطان
راحوا و هدوا كنيسة صول اطفيح اللى فى حلوان
ولا خايف من جيش راح يضرب فى الدير ويهدد الرهبان
ده الله هو اللى حامينا ومالى قلوبنا بالايمان
و حقوقنا دايما بيرجعها لينا
وأسالوا فين العادلى ومبارك واسالوا فين ماما سوزان
وانا مصرى ودى بلدى
مش بمزاج الشيخ يعقوب ولا الشيخ محمد حسان
ومش عايز تأشيره لكندا ولا لبلاد الامريكان
وبلدى مش ممكن اسيبها و ديه بلدي من قبل ما يجي الإسلام
و حتى لوكمان فيها نمت جعان
ولا هادفع جزيه للشيخ عبود ولاهاسمع لكلام الهذيان
ولا ذقنى ها اصبغها حنه واربيها زى الافغان
والماده الثانيه مابتخوفنيش
الدستور ده كله كلام مكتوب بايدين الانسان
وانا عمرى ماكنت مستنى حمايه
من امريكا ولا اوربا ولا اى بلد من البلدان
وانا اول واحد قلت لا للظلم ولا للطغيان
لما قتلوا اخواتى فى نجع حمادى
والعمرانيه والكشح و البدرمان
وانا ايدى كانت فى ايدين اخويا المسلم واحنا بنهتف فى الميدان
وانا صبيت له الميه يتوضى ويقوم يرفع الاذان
وهوحمانى لما كنت باصلى القداس وباقول اجمل الالحان
وبنهتف مصر دى وطننا جميعا اما الدين للديان
مصر هتبقى دوله مدنيه ومافيش حد يتاجر بالأديان
مصر هتفضل وحده واحده مش راح تتقسم زى السودان
ومش ممكن نبقى يا امريكا........عراق تانيه ولا افغانستان
ومش ممكن نبقى دوله دينيه زى السعوديه ولا ايران.
مصر ده وطن بيعيش فينا مش بس شوارع و حيطان.
مصر الرب باركها وذكرها فى الانجيل و فى القران
والرب هو آلهنا وهو حامينا لنهاية الأزمان
واللى يمسنا هيمس حدقة عين الحارس
واكيدعلى افعاله هيصبح ندمان
والهنا علمنا نحب كل الناس حتى الاعداء واللى بيئذينا كمان
انما خوف انا ماباخافشى علشان انا قبطى وعمرى ما كنت جبان
avatar
shenouda
المشــــــرف العام
المشــــــرف العام

عدد المساهمات : 901
تاريخ التسجيل : 02/03/2011
العمر : 33

الرجوع الى أعلى الصفحة اذهب الى الأسفل

رد: انا عمرى ماكنت جبان

مُساهمة من طرف shenouda في السبت مايو 07, 2011 9:58 pm

يارب احمينا من اللى بيحصل حوالينا
avatar
shenouda
المشــــــرف العام
المشــــــرف العام

عدد المساهمات : 901
تاريخ التسجيل : 02/03/2011
العمر : 33

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى